Ammuen ti Malakanyang ti panirigan ti Department of Education mainaig iti singasing ti Climate Change Commission a nasken nga adda shifting iti oras ti klase dagiti estudyante.
Dayta ket tapno masigurado ti kinatalged dagiti agad-adal iti manamnama a nakaru a pudot a mapasaran manipud iti epekto ti super El Niño.
Segun ken ni Palace Press Officer Atty. Claire Castro, saanna pay a nakapatang ni DepEd Secretary Sonny Angara isu nga ammuenda no maikonsidera ti gakat ti Climate Change Commission.
Maibasar iti singasing ti komision, no mabalbalin ket marugian ti klase dagiti estudyante manipud alas sais ti agsapa agingga alas nuebe y media iti agsapa ken liklikan ti manipud alas dies agingga alas tres ti malem tapno saan a mapadasan ti nakaro a kinabara ti panawen gapu iti super El Niño.
