Pinagduduaan ni dati a senador Antonio trillanes IV dagiti sao ni Davao City Mayor Sebastian “Baste” Duterte a saanna ammo ti interes ti negosio ni Bise Presidente Sara Duterte iti maysa a kompania a nakaawat ii multi-million dollar contracts manipud iti siudad.
Inlawlawag ni Mayor Duterte iti impeachment trial court a dandani imposible a repasuenna amin a detalye dagiti dokumento a lumabas iti opisinana uray isu ti agpira kadagiti kontrata ken proyekto iti Davao.
Sinaludsod ti prosekusion no apay a simrek ti Davao City iti transaction iti GenCorp Industries Inc., nga agparang iti SALN ti Bise, idinto nga inamin ti mayor nga adda naisina a negosiona ken ni Jaime T. Cruz, maysa kadagiti stockholder ti kompania.
Nagkedked ni Trillanes a mangipaay iti kanayunan a detalye maipapan iti nasao a banag gapu ta naituding nga agtestigo iti impeachment trial ita nga aldaw.
