Kidkiddawen ti grupo ti transportasion a Manibela ti pannakaibaba ti presio ti gasolina ken pannakaikkat ti excise tax bayat a rugianda ti tallo aldaw a welga iti transportasion.
Segun ken ni Manibela Chairman Mar Valbuena, panggep ti protesta nga idatag iti gobierno dagiti parikut a sangsanguen dagiti drayber ken dadduma pay a sektor ti transport sector.
Inlawlawag ti Land Transportation Franchising and Regulatory Board (LTFRB) nga agtultuloy ti panangrepaso ti petision ti Manibela para iti P2.00 fare hike ken mangangayda manen iti hearing para iti kanayunan nga ebidensia.
Impakaammo pay ti Piston group nga ituloyda ti nationwide transport strike-da inton Martes ken Miyerkules, a manamnama a mangapektar iti Metro Manila ken sumagmamano a probinsia iti Luzon, Visayas ken Mindanao.
