Binilin ti Philippine National Police ti PNP Maritime Group a tumulong iti Philippine Coast Guard tapno mapabileg ti panangsapul kadagiti mapukpukaw nga indibidual kasaruno ti napasamak nga uram iti maysa a pampasahero a barko idiay Palawan.
Segun ken ni PNP Chief General Jose Melencio Nartatez Jr., mangideployda ti nayon a PNP personnel ken alikamen a tumulong iti panagimbestigar ken panangted iti medical nga atension malaksid pay iti search and rescue operations.
Maibasar iti passenger manifest, adda 117 a pasahero ken 17 a crew nga inlugan ti MV June Aster sipud pimmanaw idiay Manila a napan idiay Coron, Palawan.
Saan a bumaba iti lima nga indibidual ti natay gapu iti nasao nga aksidente, 43 a pasahero ken crew met ti naisalakan manipud napasamak ti insidente idi Mierkoles ti rabii ken 897 nga indibidual ti mapukpukaw.
