Idurduron ni Pwersa ng Bayaning Atleta Partylist Rep. Margarita Mig Nograles ti gakat a mangted ti salaknib kadagiti responsible a driver.
Ti House Bill No. 10679 wenno Defensive Driving Act of 2024 wenno Anti-Kamote Driving Law ket gagem a masalakniban ti nataeng a tsuper a maibal-balud gapu ta mairamraman ti aksidente gapu kadagiti reckless driver.
Segun ken ni Nograles, adun dagiti Kamote driver kadagiti kalsada iti pagilian a mangituntunda laeng ti peggad kadagiti motorista.
Nakalanad ti Anti-Kamote Driver Law a siasinoman a driver ti mainaig ti aksidente ket saan a mabalin a maibalud nga insigida nu insigidada a makaipakita ti ebidensya a defensive driver da idi napasamak iti aksidente.
Karaman nga ebidensya ti dashcam footage, CCTV recording wenno aniaman a video wenno ladawan a mangpaneknek a simmurot ti linteg ti trapiko sakbay ken iti oras ti aksidente.
Kabayatanna, ti addang ket naamyendaran ti Article 124 ti Revised Penal Code.
