97 a pamilia, katukad iti nasurok-kumurang 290 nga indibidual ti naidalan iti pre-emptive evacuation gapu iti epekto ti bagyo Maymay iti Ilocos Sur.
Dagiti nasao nga evacuees ket manipud iti ili ti Tagudin, Sigay, Quirino, Santa, ken iti siudad ti Vigan.
Iti pannaki-uman ti Bombo Radyo Vigan ken ni Governor Jerry Singson, dagus a naited ti tulong kadagitoy naibakwit nga agindeg.
Awan pay laeng met dagiti damages a nairekordda malaksid laeng kadagiti natwang a kayo ta saan nga agtultuloy ti tudo ken angin numan pay nakaibayog iti signal no.2 ti probinsia.
Nupay kasta, nakasagana dagiti amin a Municipal Disaster Risk Reduction and Management Council ken dagiti Rural Health Unit nga agresponde no bilang adda agkasapulan iti tulong.
Madalanan met amin a kalsada ken dagus a nadalusan dagiti paset nga adda nagreggaay a daga kangrunaan kadagiti upland municipality.
