Walopulo ket uppat a driver iti public utility vehicles (PUV) pakairamanan ti traysikel ken motorcycle taxi riders iti nagpositibo iti illegal drugs use bayat ti naisayangkat a surprise ken random drug testing kas pinasingkedan ti Philippine Drug Enforcement Agency (PDEA).
Segun ken ni Retired Police General Isagani Nerez a PDEA Director General, ti pannakaisayangkat ti surprise drug test ket naisayangkat sakbay iti manamnama a panagado dagiti commuter iti kalsada a mapan kadagiti probinsiada ken transportation hubs idi April 16.
3,270 a PUV drivers iti dimmalan ti surprise drug test iti kangrunaan a passenger terminal iti intero a pagilian ket manipod dayta, walopulon ket uppat iti nagpositibo, sangapulo ket tallo kadakuada iti bus driver, sangapulo ket siam iti jeepney drivers, tallopulo ket pito iti traysikel drivers ken sangapulo ket maysa iti UV drivers.
Maysa pay a mini-bus driver, maysa a taxi driver, dua a motorcycle taxi riders ken dua a bus conductors iti nagpositibo met laeng iti test.
Dagiti driver a nagpositibo iti panagaramat ti droga ket saanen a napalubosan a nagmaneho ket nakumpiskar dagiti lisensyada babaen ti LTO pending iti issuance of clearance iti PDEA.
Impaganetget ni Nerez a rumbeng a dumalanda iti rehabilitation process ken intervention programs nga ipaay iti local government sakbay a maalada dagiti lisensya.
