82,000 a pamilia, naapektaran iti bagyo Verbena

Umabot iti nasurok 82,000 a pamilia ti naapektaran iti Bagyo Verbena sakbay a rimmuar iti Philippine Area of Responsibility.

Iti naudi a record ti National Disaster Risk Reduction and Management Council, nasurok gudwa kadagitoy ket manipud iti Negros Island Region a nakaro a naapektaran iti bagyo.

Malaksid dayta, apektado pay dagiti rinibo nga agindeg idiay Mimaropa, Western Visayas, Central Visayas, ken Caraga.

Manipud iti pakabuklan a bilang, 13,246 a pamilia katukad iti 45, 681 a tattao ti agtaltalinaed kadagiti evacuation center ti in-inut a makaaw-awiden kadagiti pagtaenganda.