VIGAN CITY – Inreklamo ti grupo nga Ilocos Human Rights Alliance dagiti mapapati a meimbro ti 81st Infrantry Batallion a nakabase iti probinsiya ti Ilocos Sur gapu iti mapapati a harassment.
Segun kenni Zoilo Baladad, secretary-general ti Ilocos Human Rights Alliance, sipsputan dagit suldado iti staff house da idiay San Isidro , Candon City gapu ta patien da a daytoy ket safehouse iti New people’s Army.
Sakbay iti dayta ket immuna a naakusaran ti grupo babaen kadagiti nagpabigbig a miembro ti 81st IB a recrecruiten da dagiti estudyante iti grupo da.
Para kenni Balagad ket nalabsing iti karbegan da agsipud ta mabutbuteng da iti panangsipot kadakuada dagiti nagpammarang a suldado ta awan iti ar-aramiden da a dakes.
Kabayatanna, nainget a pinaglibakan ni Lt. Col. Julio Osias IV , commanding officer ng 81st IB iti pammabsol agsipud ta awan iti kadwa da a napan iti staff house ken nakipatang iti siasinoman a miembro ti grupo.
Inpaganetget ni Osias a saan nga aramid ti 81st IB iti panagbutbuteng kadagiti umili ken naurnos iti panangmanehar da iti intero a kasuldaduan .
Nakasagana da a tumulong tapno mabigbig dagiti nagpammarang a suldado ken solbarewn iti nasao nga isyu.
