--Ads--
VIGAN CITY – Walo gasut sangapulo nga undernourished nga agbasbasa iti Narvacan ti mawarasan iti presko a gatas nga aggapu iti Department of Social Welfare and Development Region 1.
Iti pannaki-uman ti Bombo Radyo Vigan ken ni Municipal Social Welfare and Development Officer Pauline Cabunoc, linawas nga awatenda ti 180 ml a nakapakete a gatas manipud DSWD isu a linawas met ti pannakaiwarasna kadagiti benepisyaryo iti uneg ti sangagasut duapulo nga aldaw.
1,097 ti enrollees iti daycare ngem dagiti 810 ti natakuatan nga ad-adda nga agkasapulan iti suplay basar iti dagsenda.
Dagiti daycare worker ti mangidanon kadagiti ubbing iti masakupanda a barangay dagiti nasao a gatas.
-- ADVERTISEMENT --