VIGAN CITY- Kinemmeg dagiti pannakabagi ti linteg ti lalaki nga agtawen ti 23 gapu ta mapapati a ginandat na a ramesen ti lola ng agtawen ti 81 idiay Tagudin, Ilocos Sur.
Nabigbig ti biktima a ni Felciana Valencia Ballocanag a taga Barangay Borono, Tagudin idinto a ti suspek ket ni Joel Dolez Gabatin a taga Cabaroan, Sta. Maria.
Maibasar iti imbestigasyon , sinerrek ni Gabatin iti pagtaengan ti biktima ket ikkaten na kuma ti diaper iti biktima ta mapapati a gandat na a ramesen ngem nagngiwat ti baket tapno agpatulong.
Nangeg dagiti kaaruba da ti biktima isu nga inreport ni Barangay Capt. Fredelino Pagaduan kadagiti otoridad iti napasamak.
Nagresponde dagiti otoridad ket nakemmeg da ti suspek iti uneg iti pagtaengan iti biktima ket naala kenkuana ti maysa a sachet iti maatap a shabu.
Naipan iti Ilocos Sur District Hospital para iti medico legal examination sakbay a naikursong iti pagbaludan.
