Umaboten iti walogasut a tattao iti natay idinto a 2,800 iti nadunor gapu iti magnitude 6.0 a ginggined iti daya a paset idiay Afghanistan.
Ti ginggined ket nangpakaru iti sitwasyon iti panangidaulo ti Taliban a sumangsango iti krisis kas iti panagbisin kagiddan ti bimmassit nga international aid ken pilit a pannakaiyawid dagiti Afghan manipod kadagiti kaasideg a pagilian.
Segun ken ni health ministry spokesperson Sharafat Zaman, masapulanda iti tulong manipod iti agduduma a pagilian tapno matignayan dagiti nadadael.
Ti kakaroan a naapektaran ket iti probinsia iti Kunar ta 610 iti natay ken sangapulo ket dua met idiay Nangarhar.
Maipalagip a manipod nagtugaw iti grupo a Taliban idi 2021 ket isun iti maikatlo a ginggined a napasamak iti nasao a pagilian.
