Nasapa a simmangpet iti Sandiganbayan para iti arraignment-da dagiti walo a dati nga opisial ti Department of Public Works and Highways (DPWH) – MIMAROPA a karaman kadagiti immuna a napilaan iti kaso maipanggep ti naibutaktak a flood control scandal.
Karaman kadagiti timmabuno iti Sandiganbayan ti grupo da Gerald Pacanan, Gene Ryan Altea, Ruben Santos, Dominic Serrano, Juliet Calvo, Dennis Abagon, Montrexis Tamayo, ken Lerma Cayco.
Agdama a naibaludda iti New Quezon City Jail, Payatas dagiti nasao nga opisial ken ti nasao pagbaludan ti naituding a detention facility para kadagiti suspek iti flood control corruption.
Sangsangoen dagiti personalidad iti kaso a malversation maipanggep kadagiti anomalous flood control project iti Naujan, Oriental Mindoro.
