Walo a pamilia wenno duapulo ket lima nga umili ti nagbakwit iti Ilocos Sur gapu iti epekto ti Bagyo Marce.
Iti pannaki-uman ti Bombo Radyo Vigan ken ni Rhon Arquelada a PDRRM Officer, dagiti nag-preemptive evacuation ket pito a pamilia wenno duapulo ket tallo nga umili manipod Barangay Camangaan, Vigan City ken maysa a pamilia wenno tallo nga umili manipod Barangay 8, Vigan City.
Segun ken ni Arquelada, posible a manayunan pay dagiti maibakwit ta imbilin ni Governor Jerry Singson ti mandatory preemptive evacuation kadagiti Local Government Unit para iti kinatalged dagiti umili.
Siguradoen ni Arquelada iti pannakaipaay ti family food packs kadagiti umili a maapektaran iti bagyo ket nu kas bilang agkurang ket sisasagana latta iti ahensya nga aggatang wenno ag-augment iti Office of the Civil Defense Region 1 ken Department of Social Welfare and Development wenno DSWD para iti nayon a food packs.
