782 a kaso ti Ebola, nakumpirmaran idiay Congo

Umaboten iti 782 ti kumpirmado a kaso ti Ebola idiay Democratic Republic of Congo kalpasan a nainayon ti 72 a baro a kaso iti naglabas a 24 nga oras.

Daytoyen ti kadakkelan a panagpangato ti bilang iti maysa nga aldaw laeng gapu iti agtultuloy nga outbreak.

Karaman iti kumpirmado a kaso ti Ebola ti 181 a natay.

Agtaltalinaed met dagiti 3 a probinsia ti Congo nga Ituri, North Kivu, ken South Kivu ti ayan dagiti kaso.