--Ads--
VIGAN CITY – Umabot iti 759 a pamilia manipod Brgy Baclig, Cabugao iti naikkan iti food packs kagiddan iti pannakaidalan iti Enhanced Community Quarantine iti nasao nga ili.
Ti nasao nga addang ket gapu iti pannakarikna iti local government unit babaen iti panangidaulo ni Mayor Ediboy Cobangbang iti rigat a marikrikna dagiti na-quarantine ken saan a pannakaruarda tapno makasapul para ti pamiliada.
Mangnamnama ti mayor iti pannakaawat iti tunggal maysa ta araramiden amin nga addang iti LGU tapno matulongan dagiti agindeg iti nasao nga ili.
Kabayatanna, manarimaanen iti panagsagsagana iti LGU iti sapasap a panagiwaras iti food packs kadagiti amin a barangay iti nasao nga ili.
-- ADVERTISEMENT --
