Natay iti pitopulo ket maysa a tattao idiay Bona District, Ethiopia ta natinnag ti maysa a truck nga adda kargana a pasahero iti karayan kas kinuna ti pannakangiwat ti southern Sidama regional government.
Segun ken ni Wosemyeleh Simion nga spokesperson ti Sidama regional government, dagiti natay ket pakairamanan iti innem a pulo ket walo a lallaki ken tallo a babbai.
Lima iti kritikal iti kasasaadna ken manarimaan iti pannakapaagasna iti Bona General Hospital.
Dagiti dadduma a pasahero ket agaw-awiden a naggapu iti maysa a kasaran ket naammoan nga overloaded ti truck.
Kinuna ti spokesperson a saan a nakita ti driver ti rangtay a puon iti nakatinnaganda iti karayan ken gapu iti agsikko-sikko a paset iti kalsada.
Nakipagrikna ti health bureau iti pamilia dagiti biktima iti aksidente.
