Dinadael ti Team Türkiye ti “perfect record” kuma ti Team USA iti group stage iti agtultuloy a FIFA World Cup 2026.
Sinorpresa ti Türkiye ti Team USA kalpasan nga inabakda iti iskor a 3-2.
Nasapa a dinominar ti USA ti laban babaen iti napaspas a goal ni Auston Trusty iti maika-tallo a minutos pay laeng ti ay-ayam.
Saan met a nagpa-abak ti Turkish team ken napaspas a simmungbat ti barito a player da a ni Arda Güler iti maika-sangapulo ti minutos tapno maitabla ti iskor.
Sinaronoan daytoy ti maysa pay a goal manipud ken ni Barış Alper Yılmaz iti maika-tallopulo ket maysa a minutos ti ay-ayam ken naalada da ti bentahe sakbay ti halftime.
Iti panagserrek ti second half, naka-iskor met ni Sebastian Berhalter para ti USA tapno maitabla ti ay-ayam.
Nupay kasta saan a naawanan ti kumpiyansa ti Team Türkiye ket iti stoppage time ket naiserrek ti grupo ti maysa a goal tapno leppasen ti ay-ayam iti iskor a 3-2.
