Inyanunsio ti Department of Social Welfare and Development ti panagngato ti alokasion a pondo para iti Supplementary Feeding Program (SFP).
Gagem ti addang a pasayaaten ti salun-at ken nutrisyon dagiti ubbing a naka-enroll iti Child Development Centers (CDC) ken Supervised Neighborhood Play (SNP) babaen iti feeding sessions, panangited ti gatas ken nasalun-at a taraon kadagiti ubbing.
Naingato iti 9.26 bilyon ti budget para iti Supplementary Feeding Program ita a tawen manipud ti P5 milyon nga alokasion idi 2025.
Naiyatiddog met ti kinapaut ti programa a ti daily feeding sessions ket manipud iti dati a 120 nga aldaw ket nagbalin itan a 180 nga aldaw.
Agtultuloy met ti pannakibinnulig ti DSWD iti panangidaulo ni Secretary Rex Gatchalian kadagiti lokal a gobierno tapno masigurado a mapapigsa ti pannakaipatungpal ti Supplementary Feeding Program iti intero a pagilian.
