VIGAN CITY – Boluntaryo a simmuko dagiti innem a pulo ket siam a miembro ti Underground Mass Organization (UGMO) a mangsupsuporta iti Communist Terrorist Group idiay Brgy. Paoc Norte, Sta. Lucia.
Dagiti 69 nga UGMO members ket pakairamanan iti lima a Sangay sa Partido sa Lokalidad, tallo a Milisyang Bayan, tallopulo ket dua a miembro ti Pambansang Kilusan ng Magsasaka, duapulo ket uppat a Malayang Kilusan ng Bagong Kababaihan ken lima a Kabataang Makabayan.
Segun ken ni Mayor Joseph Simon Valdez, ikagumaanda ti mangtulong kadagiti simmuko a miembro tapno saandan nga agsubli iti naggapuanda a grupo.
Dimmalan iti re-orientation ket nailawlawag kadakuada iti kinadamsak nga epektona kadakuada ken iti komunidad ti pannakipasetda iti grupo dagiti terorista ken nagsapatada babaen iti pannakaimatang ti mayor nga isu pay ti Chairman iti Municipal Task Force to End Local Communist Armed Conflict (MTF –ELCAC).
Nagyaman met ni Ilocos Sur Police Provincial Director PCol. Wilson Doromal kadagiti 69 a miembro iti pannakakikaysada iti programa ti gobierno a mapagtalinaed ti kapia ken urnos ti kagimungan.
