Dakkel ti naikissay ti badyet para iti National Task Force to End Local Communist Armed Conflict (NTF-ELCAC) ditoy Pilipinas para iti fiscal year 2025.
Ti allocation para iti flagship Barangay Development Program (BDP), a panggepna ti panangipaay iti socio-economic aid iti barangays a maibilang a “cleared of communist influence,” ket bimmaba iti P1.95 billion, ti kababaan a lebel sipud idi nairugi ti programa.
Irepresentar daytoy ti P5.85 billion a pannakakissay manipud iti naisingasing a badyet ken basbassit pay ngem ti P2.1 billion a nailatang idi 2024.
Awan pay ti komento ti NTF-ELCAC iti publiko maipapan iti epekto ti pannakakissay ti badyet.
Nupay kasta, ti pakasaritaan ti panagpondo ti programa ket mangipakita ti dakkel a panagbaba manipud idi peak allocation na a P16.4 billion idi 2021.
Daytoy a downward trend ket kasaruno iti agtultuloy a kritisismo manipud kadagiti human rights groups a nabayagen nga agpanpawagan iti NTF-ELCAC abolition ken defunding, gapu iti mapapati a “red-tagging”, ken ti panang-label kadagiti aktibista ken journalists kas komunista wenno terorista.
Binabalaw ti Amnesty International ti NTF-ELCAC gapu iti panangusar iti pondona a mang-harass ken mangraut kadagiti aktibista, mang-organize kadagiti anti-communist talks kadagiti pagadalan ken seminar kadagiti barangay a mang-identify iti publiko kadagiti estudiante ken lokal nga organisasion kas “terorista” wenno “komunista.”
