VIGAN CITY – Maysa ti natay iti napasamak a panangdinnungpar ti motorsiklo a Suzuki Raider 150 ken Fuso Wing Van truck idiay Brgy. Calao-an, Candon City, Ilocos Sur.
Nabigbig iti nagmaneho ti motorsiklo a ni Julius Hufemia Acosta, agtawen iti tallopulo ket innem, welder, ken residente ti Barangay Luba, Santa, idinto iti nagmaneho ti truck ket ni Roderick Quinto Perado, agtawen iti uppat a pulo ket tallo, residente ti Barangay Bantayan, Mangaldan, Pangasinan.
Agdaldalyasat ti truck iti amianan a linya idinto ti motorsiklo ket naggapu iti bangir a linya idin nadanonda ti nasao a lugar ket kellaat nga immagaw ti linya ti motorsiklo a gapuanan ti panagdinnungparda.
Gapu dayta, naipan ti driver ti motorsiklo iti Candon City Hospital para iti pannakatamingna ngem naideklara a dead on arrival, idinto ti driver ti truck ket saan a naan-ano.
