--Ads--
VIGAN CITY – Nakasaganan ti amin a barangay ti Mampang, Zamboanga City para iti pangawid ti Olympic Gold Medalist a ni Hidalyn Diaz.
Iti pannakiuman ti Bombo Radyo Vigan kenni kay Mampang Brgy. Captain Leonard Aliangan,nakasaganan dagiti tarpaulin nga ikabilda kadagiti kalsada ken boundary ti barangay kagiddan iti pannakikinnammayetna kadagiti purok leaders a makipaset iti mapasamak a heroes welcome kenni Diaz inton agawid idiay Mampang.
Innayon ti opisyal a maragsakan la unay isuna iti balligi a nagun-od ti kabaranaggayanna aglalo ta naala na ti balitok a medalya manipud ti Olimpyada idiay Tokyo, Japan.
Kabayatanna, manarimaan iti panag-quarantine ni Diaz kas panangsurotna iti health protocols kalpasan a nakaawid ditoy pagilian idi rabii.
-- ADVERTISEMENT --
