VIGAN CTY – Innem a pulo ket uppat a tattao iti nakemmeg gapu iti panaglabsingda iti quarantine protocols iti probinsia kagiddan iti COVID19 pandemic ken inaramat da iti nagan ti gobernador a pagdeliveran dagiti produktoda.
Naggapo idiay Imus, Cavite dagiti nasao a tattao a nakalugan iti pito a van a naglaon ti facemask, faceshield, alcohol ken personal protective equipment.
Iti pannaki-uman ti Bombo Radyo Vigan kenni Police Capt. Jose Bandong II, hepe ti Tagudin Municipal Police Station, awan iti dokumento dagiti nasao a tattao a sumrek ditoy probinsia ken inrasonda nga addan ti nakasaritadan a mabalinda a sumrek ti border.
Innayon ti hepe a sangapulo ket lima laeng a box iti nasao a produkto iti linaon dagiti pito a van a saan a rumbeng nga deliver ti innem a pulo ket uppat a tattao.
Pinasingkedan pay ni Dra. Trina Tabboga Talaga, Chief of Hospital ti Gabriela Silang General Hospital nga awan iti kinapudnona nga adda iti delivery da ti probinsia ken awan iti koordinasyon kadakuada inaig iti panag-courtesy call da kenni Governor Ryan Singson.
