Innem a pulo ket dua nga aspirant para ti national ken local position iti nakarehistron ti social media accounts-na kasangwanan ti 2025 May elections kas pinasingkedan ti Commission on Elections.
Immunan a nangiruar ti Comelec ti maysa a resolusyon a nangmandato amin a kandidato, party-lists, ken campaign teams-da nga agrehistro iti social media accounts, pages, websites, podcast, blogs, vlogs, ken dadduma nga online ken internet-based campaign platforms agingga Decembver 13 kas paset ti bid-da a mang-regulate ken mangliklik ti saan a nasayaat a pannaka-usar iti social media inton sumaruno nga eleksyon.
Adalen ti Katotohanan, Katapatan at Katarungan (KKK) sa Halalan election task force dagiti aplikasyon ken i-endorsoda dagiti account para iti pannakaaprubar wenno pannaka-deny iti Commission en banc.
Ti maaprubaran a registration ket maipablaak iti official website iti comelec ken social media accounts.
