VIGAN CITY-Daan a susik iti maitudtudo a rason iti panangtagbat ni Francisco Querubin, agtawen iti innem a pulo ket dua, naasawaan, mannalon iti kanakan na a ni Al Quitevis, agtawen iti dua pulo ket dua, baro nga agpada a residente ti Brgy. Naguilian, Caoayan.
Maibasar iti imbestigasyon, nagturong ti suspek ken ti putot na a ni Franklin nga agtawen iti dua pulo ket uppat kenni Romnick nga agtawen iti dua pulo ket pito iti pagtaengan ti biktima ket sapsapulen da ni Darrell Quitevis alyas Badiong ngem ti biktima iti nangsango kadakuada.
Gapu iti pungtot ti suspek ket tinagtagbat na iti mamin-adu a daras ti biktima isu nga intaray da idiay Ilocos Sur Provincial Hospital-Gabriela Silang idinto a ti suspek ket nagawid ngem napan nagreport iti pulisya nga isu iti dinangran ti suspek.
Ngem napaneknekan dagiti otoridad a ni Francisco iti nagtagbat iti kanakan na a ni Al babaen iti panagimbestigar da iti nasao a lugar.
