Umaboten iti 60 a pagtaengan ti nadadael gapu iti ipoipo ken napigsa a panagtudo kadagiti sumagmamano a lugar iti Ilocos Sur, kagiddan ti epekto ti Southwest Monsoon wenno Habagat a pinapigsa ti bagyo Pilandok.
Iti pannaki-uman ti Bombo Radyo Vigan ken ni Governor Jerry Singson, umaboten iti 5,026 a pamilia wenno 17,371 nga indibidual ti naapektaran kadagiti 18 a lokal a gobierno ken 168 a barangay iti probinsia.
Dua kadagiti nadadael a pagtaengan ti totally damaged idinto a 58 met ti partially damaged.
Kadagiti naapektaran, 158 a pamilia wenno 439 nga indibidual ti nagbakwit – 90 a pamilia ti adda kadagiti evacuation center idinto a 68 a pamilia ti kimmamang iti ruar dagiti evacuation center.
60 a pagtaengan met dagiti nadadael gapu iti alipugpog ken ti awan sarday a tudo, a ti dua ket totally damaged ken 58 ti partially damaged.
Agtultuloy ti panangipaay iti tulong dagiti LGU ken Provincial Government of Ilocos Sur, agraman dagiti family food packs, hygiene kits, family kits at shelter repair kits.
