Suportado ni Senate Pro Tempore Panfilo “Ping” Lacson ti gakat a joint oil ken gas exploration iti nagbaetan ti Pilipinas ken China, kangrunaan iti West Philippine Sea, iti baet ti pangta iti word supply ti langis gapu iti tension idiay Middle East.
Segun ken ni Lacson, nasken nga adalen ti administrasion ni Presidente Ferdinand Marcos Jr. ti nadakamat nga addang gapu ta adda potensial na a mangted ti dakkel a kita ken makatulong iti energy security ti pagilian.
Pinasingkedan ti senador nga aniaman a katulagan ket masapul a nainget a masurot ti 60-40 foreign ownership rule a nakaikabil iti 1987 Constitution, saan a bumaba iti 60% ket masapul a kukua ti Pilipino.
Innayon pay ni Lacson nga uray nabaknang ti langis ken natural gas ti West Philippine Sea, kurang ti Pilipinas iti teknikal ken pinansyal a kabaelan tapno agisayangkat ti exploration nga agmaymaysa.
