Maysa a 6-wheeler wing van a nagpalya iti national road ti Sitio Pideg, Barangay Magsaysay, Santa, Ilocos Sur ti narespondean itay parbangon.
Gapu iti posisyon ti lugan ken para iti kinatalged kabayatan ti recovery operations ket temportaryo a naipasarra dagiti dua a linya ti kalsada iti alas kuatro kinse iti parbangon.
Iti pannaki-uman ti Bombo Radyo Vigan ken ni MDRRMO-Santa Vince Cardenas, apaman a maawatda ti distress call ket nagrespondeda a dagus kadua ti Philippine National Police ken Bureau of Fire Protection.
Kalpasan ti operasion ket nailukat met laeng ti kalsada para kadagiti dumalyasat a lugan iti alas syete iti bigat.
Nagkiddawda iti dispensar kadagiti nataktak iti papananna gapu iti pannaka-strandedda iti kalsada kabayatan ti operasion.
