Mangnamnama ni House Minority Leader ken 4Ps partylist Rep. Marcelino Libanan a mangiruarda iti pammilin para iti pannakaingato ti minimum a sueldo dagiti innem pay a rehion a saan pay a nakaipatungpal sakbay a malpas ti tawen.
Segun ken ni Libanan, kaagiti sangapulo ket pito a rehion iti pagilian, sangapulo ket maysa pay ti saan a nakaipatungpal iti nayon iti minimum wage, segun iti record ti National Wages and Productivity Commission.
Dagiti saan pay a nakaipatungpal iti nayon a sueldo ket ti Cordillera Administrative Region (CAR), MIMAROPA (Region IV-B), Eastern Visayas (Region VIII), Zamboanga Peninsula (Region IX), Northern Mindanao (Region X), ken Caraga (Region XIII).
Innayon ni Libanan a ti kaudian a nangiruar iti pammilin para iti pannakaipangato ti minimum wage ket ti Western Visayas nga aggatad iti P40 kada aldaw wenno P550 sipud idi Nobyembre 19.
