Innem nga Overseas Filipino Workers manipud Iran ti natalged a nakaawid iti pagilian iti baet ti tensyon iti nagbaetan ti Israel ken Iran, segun iti Department of Migrant Workers.
Lima kadakuada ti shrimp hatchery technicians, idinto a maysa kadagiti katulong manipud Dubai ket nagbakasyon idiay Iran.
Simmangpet idiay NAIA Terminal 3 a naglugan iti Emirates flight ken sinabat dagiti opisial manipud iti DMW, DFA, OWWA, ken DSWD.
Naipaayanda iti tulong pinansial, taraon, serbisyo medical ken temporaryo a pagyanan.
Ti repatriation ket indaulwan ti Philippine Embassy idiay Tehran babaen ken ni Ambassador Roberto Manalo.
Kabayatanna, maysa kadagiti repatriated workers a ni Gideon Pacamalan ti nagyaman iti Namarsua ken ni Presidente Ferdinand Marcos Jr gapu iti nasapa a pannaka-rescue-da.
Nagtrabaho ni Pacamalan kas shrimp hatchery technician iti nasao a pagilian iti las ud ti duapulo ket lima a tawen.
Iti las ud ti dayta a tawen, naawatna ti husto a sueldo ken benepisyo manipud iti employerna, ngem gapu iti kumarkaro a tensyon, ket inkarigatanna lattan ti agawid.
