VIGAN CITY– Napalaos iti panagyaman ni Brgy . Gabao, Santiago Brgy. Capt. Ruben Elefante agsipud ta dagiti tallo a mangngalap manipud kadagiti innem a mapukpukaw a kalugaranna ket natalged da a nakasubli idiay lugar da.
Segun ken ni Elefante, adda ti naayat iti panagpuspuso na a mangngalap idiay ili ti Cabugao a nangtulong kada Alejandro Escalona Jr., Bryan Cuaresma kenni Rey Etrata isu a naisalakan da manipud iti panagkatang-katang da ti taaw.
Kabayatanna, marikna pay laeng da Escalona ti bannog, bisin ken puyat da ta arigna tallo pulo ket innem nga oras nga adda da ti tingnga ti taaw nga awan ti kanen ken inomen da.
Maipalagip nga immunan a naisalakan da Unang Nilo Etrata, Norlez Bragado ken Jun Collo babaen iti cargo ship a nangisalakan kadakuada.
