VIGAN CITY– Dinominaran ti National Capital Region Athletic Association iti naduma-duma nga events iti swimming competition ta innem a baro a rekord iti naaramid da.
Ti girls 200m Breaststrokes Secondary girls, nakairekord ni Thanya Angelyn Dela Cruz iti 2:46:36 a record ket naartapan na iti rekord ni Bela Louise Magtibay ti NCR idi napalabas a tawen a 2:47:48.
Kabayatanna, babaen iti 2:27:66 record ni Mark Jiron Rotoni, naartapan na iti rekord iti pada na a taga-NCR a ni Drew magbag a 2:28:28 iti 200M breastroke secondary boys.
Ti 200 meters individual medley elementary girls, indaulwan ni Michaela Jasmine Mojdeh babaen iti 2:22:12 a nakaartapan na iti rekord ni Raven Faith Alcoseba ti CVRAA idi 2015 a 2:33:71.
Saan met a nagpaabak ni Philip Joaquin Santos iti 200 individual medley Secondary boys ta inrekord na iti 2:13:05 a nangatiw iti rekord ni Carlo Picco a taga- Western Visayas idi 1998 a 2:13:28.
Kabayatanna, iti rekord iti 400 meter medley relay secondary girls ket dinadael ti NCR iti rekord da met laeng idi napalabas a tawen a 4:35:09 babaen iti baro a record a 4:34:6.
