Innem a naglugan ti traysikel ti nadunor gapu iti pannakadungpar kadakuada ti SUV iti intersection ti San Juan Street ken Madarang Street idiay Barangay San Jose, Candon City, Ilocos Sur.
Nabigbig ti nagmaneho iti traysikel a ni Cesar Gascon Cabuco, agtawen iti limapulo ket siam, tricycle driver, taga-Barangay Allangigan Primero, Candon City.
Dagiti pasahero ket da Catherine Cudiamat Laparejo, agtawen iti duapulo ket walo, ken dagiti dua nga ubbing nga agtawen iti pito ken lima nga agpapada a taga-Barangay Parioc 2nd.
Dagiti pay tallo nga ubbing a naglugan ket agtawen iti siam, sangapulo ket uppat ken sangapulo nga agpapada met a taga-Barangay Allangigan 1st.
Ti met nagmaneho iti Toyota Fortuner SUV ket ni Abbe Butch Paje Cortez, agtawen iti uppat a pulo ket innem, ISECO employee, taga-Barangay Bayubay Sur, San Vicente.
Agpapadaya ti traysikel idinto nga agpapa-amianan ti SUV ket idi nadanonda ti nakapasamakan ti insidente, nadungpar ti SUV ti traysikel.
Gapu dayta, nagsagaba iti minor injuries dagiti pasahero ti traysikel a naipaagas iti ospital para iti pannakatamingda idinto a saan met a naan-ano dagiti dua a drayber.
