--Ads--
Pinasingkedan ti Metropolitan Manila Development Authority (MMDA) a 6.1 tonelada wenno 6,100 a kilo iti basura ti nakolekta iti National Capital Region idi Election Day.
Segun ti MMDA, duagasut walopulo ket walo a sako iti basura iti naala manipod iti sangapulo ket pito a siudad ken ili idiay Metro Manila.
Ti lugar a kaadoan a nakakolekta iti basura ket idiay Malabon babaen ti 1.48 tonelada wenno 1,480 kilo; simmaruno idiay Manila a 0.97 a tonelada; Parañaque a 0.72 tonelada; ken District 1-B idiay Quezon City a 0.59 a tonelada.
Immunan a nagpanawagan ti environmental advocacy group nga EcoWaste Coalition para iti basura-free a panagpipila ita a tawen.
-- ADVERTISEMENT --
