Limapulo ket tallo a B.U.C.A.S. Center ti inrusat ti Department of Health tapno mayasideg kadagiti nasulinek a lugar ti serbisyo-medikal.
Dayta ket kalpasan ti maysa tawen sipud imbilin ni Presidente Ferdinand Marcos Jr ti pananglukat iti ad-adu a Bagong Urgent Care and Ambulatory Service centers tapno saanen a kasapulan ti pasyente ti agbiahe ken makisinneksek kadagiti ospital.
Sumagmamano iti serbisyo ti BUCAS ket ti CT Scan, X-ray, ultrasound, kompleto a laboratory ken diagnostics, agraman ti outpatient services.
Iti agdama, nakapagserbisyon ti BUCAS centers iti nasurok maysa milion a pasyente iti intero a pagilian.
Ti center ket kasla maysa a one-stop-shop health facility a mabalin a pangalaan iti agas kas iti agas ti highblood ken diabetes.
Adda pay check-up para kadagiti masikug, panagbakuna, anti-rabies para kadagiti nakagat iti dingwen, ECG, cancer screening ken mental health counseling wenno psychological support.
