Simmangon kas witness ti prosecution iti maika-30 nga aldaw ti impeachment trial ni Vice President Sara Duterte ni Police Major Joericson Sangalang ti PNP Firearms and Explosives Office.
Segun ken ni Sangalang, adda 22 a paltog ni Duterte, idinto a 29 met ti rehistrado a paltog ti asawana a ni Mans Carpio, karaman dagiti sumagmamano a classified firearms ken maysa a paltog a paso ti lisensia.
Impaganetget ti prosekusion a napateg a maideklara dagiti armas kas personal a sanikua iti Statement of Assets, Liabilities, and Net Worth (SALN) ni Duterte.
Pinalubosan ni Presiding Officer Chiz Escudero ti agtultuloy a testimonia ngem kiniddawna iti prosekusion a pabassiten ti proseso ta saan a direkta a mayannatup ti witness iti patangan ti unexplained wealth.
