Nasurok lima ribo nga scout ken unit leaders iti nakipaset ti 6th Ilocos Region Scout Jamboree a naangay iti Camp Baro a Badoc idiay Saud, Badoc, Ilocos Norte nangrugi idi December 11 ken agpaut agingga December 15, 2024.
Iti pannaki-uman ti Bombo Radyo Vigan ken ni Anselmo Aludino a Camp Director manipod Schools Division Superintendent iti Batac Division, naragsak dagiti scouts iti pannakipasetda iti Jamboree a dakkel iti maitulong para iti pannakasursuro ken development-da.
Segun ken ni Aludino sag-lima ti scouting modules iti biang ti Boys scouts section wenno iti elementary level ken senior scouts section wenno secondary level.
Dagiti delegation ket 128 manipod Dagupan Council; 294 idiay Eastern Pangasinan Council; iti Ilocos Sur Council a 1,148; idiay La Union Council a 292; iti San Carlos Pangasinan Council a 392 ken iti host nga Ilocos Norte a 2,919.
Namnamaen ni Aludino nga agbalin a pagwadan dagiti nakipaset ti Jamboree iti padada nga agtutubo tapno maallukoyda a makipaset iti sumarsaruno nga aktibidad.
VIDEO – CAMP DIRECTOR ANSELMO ALUDINO
