Narescue ti Philippine National Police ti nakurang lima gasut a menor de edad manipud iti online exploitation kadagiti nagsasaruno nga operasyon iti pagilian sipud idi 2022.
Segun ken ni PNP chief Gen. Rommel Francisco Marbil, dagiti narescue a biktima ket pakairamanan ti uppat a bulan a maladaga a naisalakan manipud iti panangilako ti inana, babaen iti tulong ti ikitna idiay Taguig City.
Inladawan ti Women and Children Protection Center director Police Brig. Gen. Portia Manalad ti insidente kas maysa kadagiti disturbing cases a naiggananda.
Innayon ni Manalad a nakemmeg kabayatan ti operasyon ti ina ken ikit ti maladaga.
Pinasingkedan ti Marbil a ti pannakaisalakan ti maladaga ken dadduma nga ubbing ket paset iti agresibo a kampanya ti PNP a maparmek ti illegal network a mangtartarget kadagiti awan gaoayna nga ubbing.
