Makaawat dagiti government employee a naapektaran ti nagsasaruno a bagyo ken southwest monsoon iti five-day Special Emergency Leave (SEL) a saan a maikissay iti regular leave credits-da.
Segun ti Civil Service Commission, dagiti agnanaed wenno agtrabtrabaho kadagiti lugar a naipasidong ti state of calamity ket mabalin nga aramatenda ti lima nga aldaw a SEL manipod tallopulo nga aldaw manipod pannakadidigrada.
Ti addang ket maibasar ti Memorandum Circular 2 ken 16 a mangipalubos kadagiti government officials ken empleado a maaddaan ti emergency leaves bayat ti natural calamities wenno didigra kas nakaipasidong ti state of calamity nga indeklarar ti presidente wenno local government units (LGUs).
Dagiti circular ket nakalanad a dagiti lugar a saan nga opisyal a naipasidong ti state of calamity ngem nakaru a naapektaran, pangngeddengen ti mangidaulo ti ahensya nu ipalubosna iti SEL, nu laketdi addaanda iti nalawag nga internal guidelines ken verify iti impact ti didigra iti affected personnel.
Karaman kadagiti natural calamities ken disasters a sakup iti circulars ket ti ginggined, layos, volcanic eruption ken landslide kasta payen nu mapaneknekan ti environmental effects, human loss wenno financial loss.
