VIGAN CITY – Maipatulod kadagiti sumar-saruno a lawas dagiti lima a batch wennu grupo ti volunteer-staff ti Department of Social Welfare and Development (DSWD) idiay Batangas ta tumulong da ti rescue ken response strategy kadagiti naapektaran iti phreatic eruption ti bulkang Taal.
Dayta iti kinumpirmaran ni DSWD- Region 1 Information Officer Darwin Chan.
Segun ken ni Chan, ti agdama, addan iti inisyal a sangapulo a DSWD volunteer-staff iti naipatulod idiay Batangas a dimmalan ti orientation para iti itutulong da iti logistics, panagaramid ti daily report ken panagmonitor ti weather system idiay Batangas.
Malaksid iti dayta, tumulong to pay dagiti DSWD volunteer-staff iti camp coordination ken camp management tapnu masigurado a dagiti temporaryo a pagdagdagusan dagiti evacuees ket maiyannatup iti standard evacuation center.
Immunan a nangipatulod ti DSWD- Region 1 ti 3,000 augmentation family food packs kadagiti nadidigra idiay Bauan ken San Luis, Batangas idi January 15 ken January 16 a naglaon ti innem a kilo ti bagas, uppat a lata ti sardinas, uppat a lata ti corned beef ken innem a sachet ti 3-in-1 a kape.
