--Ads--
Umabot iti 5.1 a gramo ti maatap a shabu nga aggatad iti P34,680 ti nakumpiskar dagiti pannakabagi ti linteg iti panangiwayatda iti search warrant iti maysa a pagtaengan idiay San Esteban, Ilocos Sur.
Saan a nadanonan dagiti pannakabagi ti linteg ti agtawen-iti-uppat a pulo ket innem a mannalon, nga isu ti target iti operasion.
Narekober manipud iti operasion ti tallo a bassit a heat-sealed transparent plastic sachet a naglaon iti maatap a shabu nga agdagsen iti 5.1 grams ken black wallet pouch kas non-drug evidence.
Agtultuloy ti imbestigasion dagiti pannakabagi ti linteg ken ti pannakasapul ti suspek tapno maipila ti mayannatup a kaso.
-- ADVERTISEMENT --
