Inallukoy ti Department of Social Welfare and Development (DSWD) amin a household beneficiaries ti Pantawid Pamilyang Pilipino Program (4Ps) nga irehistro dagiti annakda a zero to 5 years old iti Philippine Identification System wenno PhilSys.
Segun ken ni Gema Gabuya a manager ken director iti 4Ps national program, ti PhilSys registration ken authentication ket agserbi a katukad iti compliance dagiti benepisyaryo iti monthly Family Development Session para iti Pebrero ken Marso.
Ti addang ket makatulong a manayunan dagiti ubbing nga agtawen iti lima agpababa a maka-access kadagiti benefits iti kaadda ti PhilSys-issued national identification card.
Tapno magun-od iti makabulan nga FDS compliance, masapul nga agrehistro ti mangidaulo ti 4Ps household, ngem nu dua a bulan tapno magun-od iti FDS compliance ket masapul nga amin a miembro iti household pakairamanan dagiti 0-5 years old ket agrehistro.
