Inallukoy ti Department of Social Welfare and Development (DSWD) dagiti benepisyaryo ti Pantawid Pamilyang Pilipino Program wenno 4Ps nga agparehistro a miembro ti Social Security System (SSS) tapno mairanud iti nalaka a social insurance nga ididiayada.
Iti salinong ti 4Ps AlkanSSSya Program, maaddaan ti access dagiti benepisyaryo iti nalaka nga insurance a mangsakup iti pannakapukaw ti sapul, panagsakit ken dadduma pay a benepisyo a ti binulan a premium ket sungbatan mismo dagiti benepisyaryo.
Ti programa ket naipatungpal babaen ti maysa a memorandum of agreement a pinirmaan ti DSWD ken SSS idi July 2024.
Karaman iti tulagan iti panagaramid ti maysa a contribution subsidy table a nakabase iti maysa nga actuarial study ken ti kabaelan dagiti benepisyaryo nga agbayad iti minimum a P570 a binulan a gatad.
Segun ken ni Marie Grace Ponce a hepe ti 4Ps Social Marketing Division, gagem ti programa a suroan dagiti benepisyaryo nga agurnong ken agtinnag iti SSS-da tapno maddaanda ti social insurance a makatulong kadakuada iti panawen ti panagsakit, panaganak, tulong iti tabon ken dadduma pay.
Nallukoy dagiti interesado a benepisyaryo ti 4Ps a makikammayet iti SSS wenno kadagiti lokal nga opisina iti siudad wenno ili tapno makaala ti nayon nga impormasyon inaig iti AlkanSSSya program.
