VIGAN CITY- Natay ni Nestor Esguerra Ponce, agtawen iti uppat a pulo ket dua, naasawaan, empleyado ti small town lottery a taga-San Julian Sur, Vigan  City  gapu iti panangpaltog iti saan pay a nabigbig a suspek idiay Zone 5, Bantay.

Nakalugan iti Yamaha scooter ti biktima idi pinaltugan dagiti saan pay nabigbig a suspek babaen iti mapapati a caliber 45 a paltog maibasar iti siyam a kapsula iti bala a naala iti nakapasamakan iti pammaltog.

Nagsagaba ni Ponce iti tama iti paltog iti naduma-duma a paset iti bagi na ket naitaray idiay Metro Vigan Cooperative Hospital ngem  naideklerar a dead on arrival.

Kabayatanna, pinatalgedan ti asawa ti biktima nga isuna ket drug surrenderee ngem nagturposen iti community drug rehabilitation program.