Inadal ti Department of Health (DOH) iti 455,188 a bote iti antiretroviral (ARV) drugs a nakaituding a maiwaras iti People Living with HIV (PLHIV) manipod inton sumaruno a lawas.
Buklen ti kargamento ti Lamivudine + Tenofovir + Delutegravir (LTD) formulations, nga isu ti umuna a tranche iti namnamaen iti 1.2 million units dagiti HIV commodity kas pinasingkedan ti DOH.
Pinaneknekan ti DOH a natalged, epektibo, dekalidad, rehistrado iti Food and Drug Administration ken nakasagana para iti insigida a distribusyon dagiti ARV.
Manamnama a sumangpet kadagiti sumarsaruno a lawas ti nabatbati a batch iti umuna a tranche ken maidalan pay iti isu met la a proseso iti inspeksyon.
Naka-schedule iti maikadua ken maikatlo a tranche iti nagbaetan iti Agosto ken Setyembre.
Segun ti DOH, apektaran ti agdama a tensyon iti geoplitikal idiay Middle East ti schedule iti panagiwaras kadagiti HIV commodity iti pagilian.
Iti baet dagiti karit ti logistic, siguradoen ti ahensia nga agtultuloy a mamonmonitor ti supply chain tapno masigurado a saan a maisardeng ti panagagas ken panangtaripato kadagiti PLHIV.
