Pinalagipan ti Commission on Elections (COMELEC) dagiti kandidato kontra ti panaglabsing ti campaign regulations kagiddan ti panagrugi ti campaign period para iti local elections ita nga aldaw, March 28, 2025.
Imballaag ni Comelec Chairman George Erwin Garcia a saan nga agdudua ti poll body nga idisqualify dagiti aglabsing iti pagannurotan.
Pinalagipan ni Garcia dagiti local candidates nga ipan dagiti campaign materials iti designated common poster areas, agaramat ti biodegradable materials, boluntaryo nga ikkaten dagiti illegal a naipan ken suroten ti allowable campaign spending.
Segun ken ni Garcia, saanda nga agdudua nga agiruar ti show cause order a maisagana para iti fling iti disqualification case ken election offense kadagiti saan a mangikaskaso iti palagipda.
Innayonna a maiparit kadagiti kandidato nga agatendar ken agiplastar iti campaign posters bayat ti distribution iti financial aid.
