44 nga exhibitors iti Ilocos Sur, nakipaset iti simultaneous launching ti Kadiwa ng Pangulo

VIGAN CITY – Maysa ti Ilocos Sur kadagiti walopulo ket maysa a probinsia a nakipaset iti simultaneous launching ti Kadiwa ng Pangulo iti pagilian.

Segun ken ni Rosel Tuba-ang, Agriculturist II iti Regional Field Office 1, uppat a pulo ket uppat nga exhibitor manipud kadagiti ili ken siudad iti 1^st ken 2^nd district ti probinsia.

Gagem ti Kadiwa ng Pangulo a mailako ti produkto dagiti mannalon iti nalaklaka a presyo kadagiti konsyumer.

Balligi ti pannakaisayangkat ti aktibidad babaen ti panagbibinnulig ti Department of the Interior and Local Government, Department of Agriculture, Department of Trade and Industry, Department of Labor and Employment, Department of Social Welfare and Development ken National Food Authority.