Uppat a pulo ket uppat a porsiento nga adult Filipino iti manamnama a sumayaat iti kalidad ti panagbiagda iti sumaruno a sangapulo ket dua a bulan kas maibasar ti naisayangkat a survey ti Social Weather Stations (SWS) idi November.
Tallopulo ket walo a porsiento iti respondents iti makarikrikna a ti kalidad ti biagda ket agtalinaed, walo a porsiento iti nagkuna a kumaru pay, ken siam a porsiento iti saan a simmungbat.
Ti addang ket nagresulta ti net personal optimism iti +36 a katukad ti very high a saan nga adayo iti +35 a very high score idi Setyembre.
Ti survey ket naisayangkat iti intero a pagilian a face-to-face manipod November 24 agingga 30 kadagiti 1,200 adults nga agtawen iti sangapulo ket walo agpangato a sag-tallogasut idiay Metro Manila, Balance Luzon wenno dadduma a paset ti Luzon iti ruar ti Metro Manila, Visayas ken Mindanao.
