--Ads--
Umaboten iti 429 a lugar kadagiti uppat a rehion ti nalayus gapu iti awan sarday a tudo nga epekto ti Habagat, segun iti Office of the Civil Defense (OCD).
Karaman kadagiti apektado a lugar ti Ilocos Region, Central Luzon, Calabarzon ken National Capital Region.
Kabayatanna, umaboten iti 3,158 a pagtaengan ti nadadael, nakurang 100 road sections ken 13 rangtay ti agtaltalinaed a saan a madalanan.
Karaman kadagiti nakaru a naapektaran dagiti dua a rangtay idiay Tarlac a nasiwang ken nangitunda iti pannakaaramat dagiti alternatibo a ruta.
-- ADVERTISEMENT --
Nairekord pay dagiti landslide idiay Zambales ken SCTEX, ket dua a lalaki ti natay ken dua ti nadunor.
